Украінскія вайскоўцы паведамляюць пра чарговы дзень надзвычай цяжкіх баёў на ўсходзе краіны. Больш за сто расійскіх атак былі адбіты войскамі ў Пакроўску. Сітуацыя для абаронцаў Украіны зараз вельмі складаная.
За апошнія 24 гадзіны Расія нанесла больш за 50 авіяўдараў з выкарыстаннем ракет і больш за сотню кіраваных бомб. Украінскія гарады таксама падвяргаліся абстрэлу з артылерыі і атакам беспілотнікаў-камікадзэ.
Паводле звестак украінскага боку, страты Масквы за апошнія 24 гадзіны складаюць больш за тысячу салдат і знішчанай тэхнікі, у тым ліку бронетэхнікі, артылерыі і беспілотнікаў.
Украінская армія спрабуе спыніць расіян у Пакроўску. Паводле звестак украінскага Генеральнага штаба, армія адбіла больш за 90 атак за апошнія 24 гадзіны. Баі за цэнтр горада працягваюцца. Аднак сітуацыя для ўкраінскіх абаронцаў пагаршаецца. Паводле слоў украінцаў, расіяне спрабуюць пранікнуць, сканцэнтравацца і ўмацаваць свае пазіцыі ў Пакроўску. За апошнія 24 гадзіны расіяне атакавалі там 93 разы.
Украінскім абаронцам удалося ліквідаваць больш за 90 расіян. Украінцы таксама адбілі будынак Пакроўскага гарадскога савета і ўзнялі там свой сцяг.
Нягледзячы на лакальныя поспехі ўкраінскай арміі, многія аналітыкі лічаць, што Пакроўск і прылеглы Мірнаград напаткае той жа лёс, што і іншыя ўкраінскія гарады Данбаса, якія расіяне захапілі, выкарыстоўваючы сваю перавагу ў тэхніцы і па колькасці салдат.
Захоп Пакроўска можа мець значнае прапагандысцкае і тактычнае значэнне для расіян, бо гэта адкрые шлях да захопу іншых гарадоў Данбаса, якія ўсё яшчэ кантралююцца ўкраінцамі.
ПР/юл